6 SIFAAT KE MUTALLIQ JARURI MALUMAT

6.DAAWAT AUR TABLIGH YA
DAWAT E ILALLAH YA  TAFREEK-E-WAQT: Ye hai 6th wa akhiri number, jiska lughvi mane to yahi hai ki koi bhi shakhs agar DEEN ki gharz se apne qadam apne ghar se apni manzil-e-maqsaood ki taraf le jata hai to ye bhi tafreek-e-waqt me he shamil hoga, aur iska ana jana bhi ALLAH ke raste me he hoga, jaise Hajj par jana, Jihad me jana, Madarse me ILM hasil karne ke liye jana, Ulema ka bahar jakar taqreer karna, aur bhi kayi tarah se, lekin Tableeghi jamat me logo se apne waqt ko farigh karne ke liye kaha jata hai aur ye koshish hoti hai ki log apne waqt ko farigh kare aur DEEN ko seekhne sikhane ke liye, kyunki beshumar aise musalman hai jinhe DEEN ki chhoti chhoti bate bhi nahi pata hatta ke ghusl, wuzu aur Namaz ke tareeke aur unke faraiz, sunnat aur wajibaat. Ye kaam isliye hota hai ki ALLAH ke ahkamo ki faZeelat aur Nabi SAWW ki sunnato ki faZeelat sune aur unpar amal karne ka shauq aur zauq paida ho, aur phir wo khud bhi da’yi banker dusro ke waqt lagane ka zariya bane. Is waqt ke nikalne ko isliye bhi  kaha jata hai ki jab insan apna waqt farigh kar ke kahin jata hai to phir use seekhne me dikkate pesh nahi ati kyunki uska dilo dimagh duniya ki tamam fikro se hata hua hota hai aur ek DEENI aur khushnuma mahaul me use apni kamiya dikhti hai, phir use wo tamam cheeze seekhne ka shauk paida hota hai jo uske andar nahi hai, waqt nikal kar ye bhi pata chalta hai ki hamare pehle wale logo ne kis qadar takleefe bardasht ki hongi jis waqt is kam ki shuruat hui thi, kahin pathar mare jate the, to kahi galiya dekar bhagaya jata tha, aur kahi masjid me bhi nahi ghusne diya jata tha, khair, aaj to ALLAH ne beshumar musalmano ke dilo me wo iman rasik kar diya hai jiski badaulat sari duniya me is jamat ke kAM KArnewale apne dawat ke kam ko anjam de rahe hai. Aur Dua karta hun ki ane wale waqt me Imam Mehdi aur Hazrat  isa ki jamat me shamil hone walo me bhi ye shamil ho.