2. SIFAT-E-SALAT: Ye dusra number hai aur dusri sifat hai is number ko is jamat mein lane ka maqsad ye hai ki 100% musalman sache aur pakke namazi ho jaye aur unki zindigiya us tarah ki ho jaye jis tarah hum namaz padhne ke waqt hote hain ki hamara dhyan sirf ALLAH ki taraf hota hai aur jiska nahi bhi hota hai, wo bhi koshish yahi karta hai ki mera dhyan sirf ALLAH ki taraf ho, jis tarah kabhi akele bhi namaz padhte hain to idhar udhar nahi dekhte bs isi tarah hamari sari zindigi ho jaye ki humein Islamiyat ke siwa kuch dikhayi he na de, isi tarah hamari zindigi ka har sho’ba aur har bat, har kam sirf aur sirf ALLAH ki raza ke liye ho jaye aur shariayt ke mutabiq, Sunnato ke mutabiq ho jaye. Islam ki neev jin 5 arkan par hai usme 2 number par ye arkan Namaz (Salah) hai. Is number par mehnat is bat ki hai kis tarah hamari zindigi mein 5 waqt ki namaze hamari zindgi ka hissa ban jaye. DEEN aur Duniya ki qamyabi ka raaz hai Namaz. Pyare Nabi SAWW ne farmaya “Qurrata Aini fissalah” meri ankho ki thandak namaz mein hai… ek aur Hadees mein Nabi SAWW ne farmaya jiska mafhoom hai “Hamare aur Islam qubool karne walo ke darmiyan namaz ka Ahed wa meesaq hai, pas jo koi Namaz chhod de to goya isne Islam ki rah chhod kar kufr ka tareeqa ikhtiyar kiya”. Namaz isliye bhi zaroori hai ki Bande ka ta’alluq sidhe ALLAH se jud jaye. Aur apni tamam hajaat ke liye sirf aur sirf ALLAH ki taraf ruju ho.
No comments:
Post a Comment